Yangiariq tumani Axborot-kutubxona markazi mutaxassislari tomonidan tumandagi 1-son umumiy o‘rta ta’lim maktabining faol kitobxon o‘quvchilari bilan “Jadidlar ma’rifati - millat orzusi” mavzusida kitob taqdimoti bo‘lib o‘tdi.

Tadbir davomida millatimiz faxri bo‘lgan ulug‘ ma’rifatparvar jadid bobolarimiz - Abdurauf Fitrat, Mahmudxo‘ja Behbudiy, Abdulhamid Cho‘lpon asarlaridan kitoblar taqdim etildi.

Shuningdek, yosh kitobxon o‘quvchilar ham o‘zlari sevib o‘qigan jadid adiblarining asarlari yuzasidan ma’lumotlar berishdi. Taqdimot kechasida o‘quvchilarni qiziqtirgan savollarga atroflicha javoblar berildi.

Tadbir yakunida Axborot-kutubxona markazi xodimlari tomonidan kutubxonaga kelgan yangi adabiyotlar yuzasidan kitoblar targ‘iboti amalga oshirildi